Paano

Gusto kong gumising bukas
na masaya at mapayapa
kasama ang aking munting anghel
na mahigpit mong niyayakap
sa bawat oras na magkasama tayo.

Halika, samahan mo kami
maglaro sa bakuran nang bahay
nang tumbang preso, sipa at taguan.
Tara! magsaya tayo.

Ang saya ng kahapon.
Ang saya natin nuon.
Naririnig ko pa ang mga halakhak
ang mga walang katapusang takbuhan
sa bukid man o dalampasigan.

Patuloy akong umaasa
sa panaginip nang kahapon.
Patuloy akong naniniwala
na sa bawat pag-alis mo
ikaw ay babalik.

Lumaban ka
andito pa ang iyong pamilya
andito pa si lolo at lola
andito pa ang inay

na patuloy na nagmamahal sa iyo.